Fjallalamb á veisluborðið
Ljúffengt lambalæri á veisluborðið, kryddað með villtum íslenskum kryddjurtum, t.d. blóðbergi. Bragðið verður einstaklega milt og gott en hefur um leið þennan íslenska jurtakeim sem allir kunna að meta.
Recipes
Recipes
Fjallagrasablóðmör
Fjallagrös voru mikið notuð í blóðmör áður fyrr og komu í stað mjöls að miklu leyti. Enn er fjallagrösum stundum bætt út í blóðmör, enda eru þau mikið hollmeti.
Grillaðar kótilettur með karrígljáa
Kótilettur eiga einkar vel heima á grillinu en það getur verið gott að skera dálítið af fitunni í burtu. Best er að þær séu nokkuð þykkar. Þessar hér eru dálítið austurlenskar, með súr-sætum karrígljáa.
Grillaðar karríkryddaðar kótilettur
Það er dálítið indverskur keimur af þessum kótilettum, þar sem þær eru marineraðar í karríkryddaðri jógúrt áður en þær eru grillaðar. Svo má líka nota meira karrí í kryddlöginn ef þess er óskað.
Grillaðar hvítlaukskótelettur
Það vantar ekki hvítlaukskeiminn af þessum grilluðu kótilettum. Hér er notað hvítlauksmauk úr krukku í kryddmaukið sem smurt er á þær en einnig mætti nota nýpressaðan hvítlauk, hrærðan með dálítilli olíu.
Grillað lambalæri með Miðjarðarhafssvip
Þessi réttur krefst nokkurrar fyrirhafnar en útkoman réttlætir hana fyllilega. Lærið er kryddað með hvítlauk, sólþurrkuðum tómötum og fleiru og síðan grillað á útigrilli við óbeinan hita.
Grillað lambalæri með chermoula
Gómsætt, úrbeinað lambalæri að hætti Marokkóbúa, kryddað með chermoula, sem er kryddjurta- og kryddblanda sem mikið er notuð þar um slóðir. Kjötið má grilla hvort heldur sem er á útigrilli eða í ofni.
Grillað lambalæri að hætti Provencebúa
Íbúar Provencehéraðs í Frakklandi nota mikið af hvítlauk, tómötum og kryddjurtum í matargerð og þetta gildir auðvitað líka þegar þeir matreiða lambagrillsteikina sína. Tilvalið að steikja í ofni og sem páskasteik.
Góðgæti drykkjurútsins
Ekki er vitað fyrir víst af hverju rétturinn hefur þetta nafn (á frummálinu kallast hann O mezes tou bekri), en hann er ljómandi góður, líka fyrir bindindisfólk. Það er hægt að bera hann fram sem pinnamat, þar sem allt er skorið í fremur litla bita og borið fram í sósunni.
Glóðarsteikt kaffikryddað lamb
Kaffi – eða öllu heldur kaffilíkjör – er kannski dálítið óvenjulegt krydd á lambakjöt en á þó ljómandi vel við, til dæmis í grillkryddlög.