Stórholt í Dölunum
Á Stórholti í Dölunum er sauðfjárbú þar sem Steinþór Logi og Eydís Anna búa ásamt drengjunum sínum tveimur. Þau lifa með landinu og sinna dýrunum af virðingu og ábyrgð sem endurspeglast í einstakri afurð. Smelltu á myndbandið til að fá innsýn í líf fólksins á bakvið bragðið og vinnuna sem fer fram fjarri augum almennings, en skiptir máli fyrir alla sem kunna að meta íslenskt lambakjöt.
Fljótlegir lambakjötsréttir
Hvers virði er lambakjöt?
Íslenskt lambakjöt er eitt það dýrmætasta sem íslenskur landbúnaður hefur upp á að bjóða. Það er ekki ræktað í verksmiðju, heldur á beit í haga og á fjöllum, í einstöku samspili manns, dýrs og náttúru. Í hverjum bita felst einstök saga. Saga um íslensku sauðkindina, landslagið, árferðið og fólkið sem lætur hlutina gerast, ár eftir ár. Það tekur langan tíma, natni og reynslu að rækta lamb sem ber með sér bragð landsins, en aðeins örfáar mínútur að njóta þess. Með því að hlusta á sauðfjárbændur og kynnast lífinu og fólkinu á bakvið bragðið er mögulegt að sjá íslenskt lambakjöt í nýju ljósi; sem ljúffengan mat sem sprottinn er út frá sjálfbærni, arfleið og virðingu.
Íslenskt lambakjöt
Við miðlum upplýsingum um lambið okkar og hvetjum ykkur til að nota fjölbreyttar uppskriftir og góð ráð í eldhúsinu. Íslenskt lambakjöt er hentugt hvort sem er í fljóteldaða hversdagsmáltíð og við hátíðlegri tilefni. Hér má finna spennandi rétti frá öllum heimshornum í bland við gamla og góða íslenska heimilismatinn og rétti sem tilheyra á veisluborðinu. Íslenskt lambakjöt er hrein og holl náttúruafurð og uppáhald matgæðinga sem sækja okkur heim.
Gerið hversdaginn betri með íslensku lambakjöti. Merkið okkar er upprunamerki í eigu sauðfjárbænda og er eina íslenska afurðin sem skartar evrópsku upprunaverndinni PDO „Protected designation of origin“.
