Grilluð lambaspjót með kúrbít og fennelhrásalati

Grilluð lambaspjót
Grilluð lambaspjót

Hráefni

Fennelhrásalat
 1 fennel, skorið í mjög þunnar sneiðar
 ½ rauðlaukur, skorinn í mjög þunnar sneiðar
 2-3 msk. kóríander, skorinn smátt
 u.þ.b. ½ tsk. sjávarsalt
 u.þ.b. ⅛ tsk. svartur pipar, nýmalaður
 2 msk. sítrónusafi, nýkreistur
Grilluð lambaspjót með kúrbít
 1 kg lambainnanlæri, skorið í miðlungsstóra bita
 2 msk. fennelfræ, ristuð á þurri pönnu
 3 msk. kóríanderfræ, ristuð á þurri pönnu
 2 msk. kummin
 1 msk. sjávarsalt
 1 tsk. svartur pipar, nýmalaður
 1 msk. ólífuolía
 1 kúrbítur, skorin í bita
 1-2 msk. myntulauf
 250 g grísk jógúrt
 1 msk. sriracha-sósa, eða önnur ósæt chili-sósa

Leiðbeiningar

Fennelhrásalat
1

Setjið allt hráefni saman í skál og blandið. Bragðbætið með salti og pipar og kælið þar til fyrir notkun.

Grilluð lambaspjót með kúrbít
2

Setjið fennel- og kóríanderfræ í mortel og steytið. Hrærið kummin, salti og pipar saman við. Setjið lamb, ólífuolíu, helminginn af kryddblöndunni og kúrbít í skál og blandið vel saman, hér er best að nota hendurnar.

3

Hitið grill eða grillpönnu og hafið á miðlungsháum hita. Þræðið kjöt og kúrbít upp á 8 grillspjót, grillið í u.þ.b. 3 mín. á hverri hlið eða þar til kjötið og grænmetið hefur fengið á sig góðan lit og er eldað í gegn.

4

Setjið grillspjótin á fat og sáldrið yfir restinni af kryddblöndunni ásamt myntulaufum. Setjið jógúrt í litla skál og hrærið chili-sósu saman við. Berið lambaspjótin fram með fennelhrásalati og grískri jógúrt.

Deila uppskrift