Fyrsta íslenska PDO-afurðin

Íslenskt lambakjöt er fyrsta og eina íslenska matvaran sem hefur fengið PDO-merkingu, Protected Designation of Origin, sem er hæsta stig verndaðra upprunaheita í Evrópu.

PDO er þekktasta viðurkenningin fyrir vernduð upprunaheiti á Evrópumarkaði. Margar af þekktustu og eftirsóttustu gæðavörum í heimi skarta þessu merki, s.s. hið eina sanna franska kampavín, gríski feta-osturinn, parmaskinkan, parmesan og svo mætti lengi telja.

Vörur sem hlotið hafa PDO-merkingu seljast að meðaltali á tvöföldu útsöluverði í löndum ESB, samanborið við staðgönguvörur. Þá hafa kannanir á innanlandsmarkaði mælt að evrópsk upprunavottun geti hækkað kaup- og greiðsluvilja íslenskra neytenda veruleg.

Protected Designation of Origin. PDO

Upprunamerki Íslensks lambakjöts

Upprunamerki Íslensks lambakjöts stendur fyrir tryggan uppruna og úrvinnslu afurða, framleiðendum og neytendum til heilla. Það hefur sannað gildi sitt á fyrstu fimm árum starfseminnar, enda byggir það á reynslu sannreyndra fordæma erlendis frá.

Merkið er liður í markaðssetningu á íslensku lambakjöti bæði hérlendis og erlendis. Meðal annars er unnið með veitingastöðum að því að gera íslenskt lambakjöt sýnilegra á matseðlum, heimasíðum og samfélagsmiðlum. Notkun merkisins á neytendaumbúðum er hafin.

Íslenskt lambakjöt leggur samstarfsaðilum til markaðsefni, sem auðveldar þeim að segja söguna af okkar einstaka gæðahráefni.

Tölurnar tala sínu máli

Upprunamerkið var formlega kynnt í janúar 2017 og auglýst til ferðamanna í samstarfi við veitingahús. Áhersla er lögð á uppruna, sérstöðu og gæði í miðlun til þessa markhóps. Alls hafa verið gerðir yfir 250 samstarfssamningar við veitingahús og sérverslanir frá 2017.

Kannanir sýna

4% aukningu á neyslu ferðamanna á lambakjöti 2017-2022*
16-20% sölumagns innanlands 2019 má rekja til ferðamanna, en ætla má að hlutfall af heildsöluverði sé mun hærra***
Lambakjöt er vinsælasta íslenska afurðin hjá ferðamönnum í öllum könnunum, þorskur, skyr og lax koma næst á eftir.
*Gallup 2017-2022
** Gallup 2017-2021
*** Samanburður Gallup 2017-2019 samanborið við sölufall innanlands v. Covid 2020.
Tæp 60 % ferðamanna 2022 borðuðu lambakjöt í heimsókninni. Þeir sem þekktu merki Íslensks lambakjöts og skildu merkinguna voru mun líklegri til að neyta lambakjöts oftar en einu sinni. Það má telja viðurkenningu á gagnsemi markaðssetningar Íslensks lambakjöts, en ekki síður á gæðum afurðanna.

Innanlandsmarkaður

Í markaðsrannsókn Gallup á innanlandsmarkaði frá júlí 2021 kemur fram að:

  • 36% segjast myndu greiða meira fyrir staðfestingu á því að lambakjötið sé sannarlega íslenskt*
  • 53% segjast frekar velja lambakjöt með staðfestingu á að það sé sannarlega íslenskt*
  • 10-15% hærri kaup og greiðsluvilji fyrir íslenskt lambakjöt með gæðamerkingu NON GMO**
  • Tæp 90% telja upprunamerkingar mikilvægar
  • 80% segjast frekar velja kjötvöru með evrópska upprunavernd PDO*
  • 28% eru tilbúin að greiða meira fyrir vörur með evrópska upprunavernd*
  • 63% óska þess að innlendar matvörur verði upprunamerktar
  • Aðeins 25% svarenda treysta því að lambakjöt í íslenskum verslunum sé alltaf íslenskt

* Evrópsk vernduð afurðaheiti
** Bann við erfðabreyttu fóðri, GMO og alþjóðleg vottun