Barbecue-lambarif
Mjög einföld uppskrift þar sem ódýrt hráefni er gert að hreinasta góðgæti - það er að segja fyrir þá sem langar til að naga bragðmikil og brakandi rif - það er hægt að grilla rifin hvort heldur sem er í ofninum eða á útigrillinu.
- 4
Hráefni
2 kg lambarif
rifinn börkur og safi af 2 sítrónum
4 msk apríkósu- eða appelsínumarmilaði
4 msk sojasósa
4 msk tómatsósa
4 msk appelsínusafi
3 msk olía
1 msk worcestersósa
nýmalaður pipar
salt
Leiðbeiningar
1
Allt nema rifin sett í pott, hitað rólega og látið malla við hægan hita í nokkrar mínútur.
Látið kólna alveg.
Hellt yfir rifin og þau látin liggja í kryddleginum í 2 klst eða lengur; snúið öðru hverju. Grillið hitað og rifin grilluð við meðalhita þar til þau eru orðin meyr; snúið oft á meðan.
Einnig má grilla þau við óbeinan hita á lokuðu grilli.