Chilikryddað lambakebab
Chilisósan sem notuð er til að marinera kjötið er fremur mild og því ættu allir að geta borðað réttinn, líka þeir sem ekki eru gefnir fyrir sterkkryddaðan mat.
- 4
Hráefni
800 g lambakjöt, beinlaust og fitusnyrt
150 ml mild chilisósa (t.d. Heinz)
3 hvítlauksgeirar, saxaðir smátt
0.5 tsk karríduft
2 msk olía
1 límónu
nýmalaður pipar
salt
1 dós (250 ml) tómatmauk (purée)
Leiðbeiningar
1
Kjötið skorið í gúllasbita. Chilisósu, hvítlauk, karríi, olíu, límónusafa og pipar blandað saman í skál, kjötið sett út í og látið standa í kæli í a.m.k. 1 klst. Þá er kjötið tekið úr leginum en hann geymdur. Kjötið saltað og þrætt upp á teina. Útigrill eða grillið í ofninum hitað og kjötið grillað við góðan hita þar til það hefur tekið góðan lit á öllum hliðum og er steikt í gegn. Á meðan er kryddlögurinn settur í pott ásamt tómatmauki, hitað að suðu og látið malla í 5-10 mínútur. Smakkað til með pipar og salti og borið fram með kjötinu.