Villisveppa- og kryddjurtasósa

Þurrkaðir kóngssveppir eða aðrir villisveppir gefa mjög gott bragð í þessa ljúffengu sósu, sem hentar sérlega vel með steiktu lambakjöti, til dæmis lambalæri eða hrygg á veisluborðinu.

table with empty plate, a knife and fork onto a napkin and a small bowl with salt in it

Hráefni

 15 g þurrkaðir kóngssveppir eða aðrir villisveppir
 vatn eftir þörfum
 2 msk. smjör eða olía
 1 laukur
 1 gulrót
 1 sellerístöngull
 2 lárviðarlauf
 1 msk. blóðbergsteblanda eða önnur villijurtablanda
 nýmalaður pipar
 1 dl þurrt hvítvín eða rauðvín
 steikarsoð úr ofnskúffunni
 1 msk. villibráðarkraftur (Oscar)
 salt
 sósjujafnari

Leiðbeiningar

1

Setjið sveppina í skál, hellið yfir þá u.þ.b. 2 dl af sjóðheitu vatni og látið standa. Setjið smjör eða olíu í pott. Skerið laukinn í bita (óþarfi að afhýða hann) og gulrótina og selleríið einnig. Setjið í pottinn og látið krauma í nokkrar mínútur við meðalhita. Bætið lárviðarlaufum, kryddjurtum og pipar út í og hellið svo víninu yfir og látið sjóða rösklega þar til nær enginn vökvi er eftir. Hellið þá u.þ.b. 8 dl af vatni í pottinn, hitið að suðu og látið sjóða án loks í um hálftíma. Síið þá soðið og setjið það aftur í pottinn. Bætið sveppunum og vatninu af þeim út í ásamt steikarsoði, villibráðarkrafti og dálitlu salti. Látið sjóða í nokkrar mínútur. Smakkið og bætið við meiri pipar og salti ef þarf. Þykkið að lokum sósuna með sósujafnara.

Deila uppskrift

Share on facebook
Share on twitter
Share on pinterest

Þessi vefsíða notar vafrakökur til að bæta upplifun þína. Með því að halda áfram samþykkir þú stefnu okkar um vafrakökur.​