Tacos með rifnu lambakjöti

rauðkálssalati og sýrðum rauðlauk
tacos með rifnu lambakjöti

Hráefni

Rauðkálsshrásalat
 150 g majónes
 50 g jógúrt
 2 tsk. sítrónusafi
 1 tsk. sítrónubörkur, rifinn fínt
 1 hvítlauksgeiri, saxaður smátt
 200 g rauðkál, kjarnhreinsað og skorið mjög þunnt
 1 gulrót, afhýdd og rifinn niður
 1 msk. steinselja
Sýrður rauðlaukur með jalapeno-pipar
 240 ml eplaedik
 160 ml vatn
 2 msk. sykur
 1 msk. sinnepsfræ
 ½ tsk. kummin fræ
 2 rauðlaukar, skornir í þunnar sneiðar
 1 jalapeno, skorinn í þunnar sneiðar
Kóríandersalsa
 2 hnefafylli kóríander, skorið smátt
 1 hnefafylli steinselja, skorin smátt
 1 lítill hvítlauksgeiri, saxaður smátt
 1 tsk. sjávarsalt
 2-3 tsk. dijon-sinnep
 30 g kapers, skolað og saxað smátt
 ½ – 1 tsk. sítrónubörkur, rifinn smátt
 200 ml ólífuolía
 1-2 tsk. rauðvínsedik
Lamba-tacos með rifnum lambabógi
 1 grunnuppskrift rifinn lambabógur með BBQ sósu
 8-12 litlar tortillakökur
 1 uppskrift, rauðkálshrásalat
 1 uppskrift kóríandersalsa
 1 uppskrift sýrður rauðlaukur
 1 límóna, skorin í báta

Leiðbeiningar

Rauðkálsshrásalat
1

Setjið majónes, jógúrt, sítrónusafa, sítrónubörk og hvítlauk saman í blandara og maukið þar til allt hefur samlagast vel.

2

Setjið rauðkál, gulrót og steinselju í skál og blandið saman.

3

Hrærið sósunni saman við og kælið þar til fyrir notkun.

Sýrður rauðlaukur með jalapeno-pipar
4

Setjið eplaedik, vatn, sykur, sinnepsfræ og kumminfræ í lítinn pott á miðlungsháan hita. Komið upp að suðu og látið malla þar til allur sykurinn er uppleystur. Takið af hitanum og látið kólna örlítið.

5

Setjið lauk og jalapeno í hitaþolna og sótthreinsaða krukku sem rúmar u.þ.b. 400 ml. Hellið edikleginum yfir laukinn, passið að hann fljóti vel yfir. Lokið krukkunni og kælið þar til fyrir notkun.

Kóríandersalsa
6

Setjið kóríander, steinselju, hvítlauksgeira og salt saman í skál og blandið.

7

Bætið við sinnepi, kapers og sítrónuberki ásamt ólífuolíu.

8

Hrærið ediki saman við og bragðbætið eftir smekk. Kælið þar til fyrir notkun.

Lamba-tacos með rifnum lambabógi
9

Steikið tortillakökurnar á þurri pönnu í u.þ.b. 30 sek. á hvorri hlið.

10

Setjið rauðkálshrásalat, skorið lambakjöt, kóríandersalsa og sýrðan rauðlauk á tortillakökurnar, kreistið límónusafa yfir og berið fram.

Deila uppskrift

Share on facebook
Share on twitter
Share on pinterest

Þessi vefsíða notar vafrakökur til að bæta upplifun þína. Með því að halda áfram samþykkir þú stefnu okkar um vafrakökur.​