Sviðaréttur frá Alsír
Á meðal íbúa Norður-Afríku þykja svið sælgæti og eru þau matreidd á ýmsan hátt, t.d. soðin í súpum og pottréttum, steikt í ofni eða glóðarsteikt. Hér er ein uppskrift frá Alsír, bouzellouf mechoui.
- 4
Hráefni
4 sviðakjammar
1 tsk. salt
0.75 tsk. nýmalaður pipar
50 g smjör
4-5 hvítlauksgeirar saxaðai
1 tsk. kummin (cumin), grófsteytt
1 tsk. kúmen, grófsteytt
3 dl vatn, og meira eftir þörfum
1-2 sítrónur
250 g kúskús
0.5 knippi steinselja
Leiðbeiningar
1
Setjið sviðin í eldfastan bakka ásamt smjöri og kryddið með salti,þurrkryddi,hvítlauk og rifnum sítrónuberki. Brúnið í 180°C heitum ofni í 15 mín. Bætið vatni og sítrónusafa í og lokið bakkanum með álpappír. Eldið í klukkustund og stráið saxaðri steinselju yfir áður en þið berið herlegheitin fram með kúskús sem hægt er að leika sér með á ótal vegu.