Suðurafrískur lambapottréttur

Gómsætur, pottréttur, ættaður frá Suður-Afríku, þar sem sætt og kryddað bragð af kartöflum og framandlegu kryddi blandast skemmtilega saman við bragðið af lambakjötinu.

table with empty plate, a knife and fork onto a napkin and a small bowl with salt in it

Hráefni

 1 kg súpukjöt
 2 laukar
 1 milt chili-aldin
 3 msk. olía
 nýmalaður pipar
 salt
 1 msk. hrásykur eða púðursykur
 250 ml vatn
 600-800 g sætar kartöflur
 2 rauðar paprikur
 2 sm bútur af engifer, rifinn eða saxaður smátt
 2 tsk. garam masala

Leiðbeiningar

1

Fituhreinsið kjötið að hluta, skiptið því í minni bita og fjarlægið e.t.v. beinin. Skerið laukinn í bita. Fræhreinsið chili-aldinið og saxið það smátt. Hitið olíuna í potti og látið laukinn krauma í henni við meðalhita í 6-8 mínútur, eða þar til hann er meyr. Hækkið þá hitann, setjið kjötið í pottinn og látið krauma áfram þar til það hefur tekið lit; hrærið öðru hverju á meðan til að snúa kjötinu. Bætið chili-aldininu í pottinn, hrærið pipar, salti og sykri saman við og hellið síðan vatninu yfir. Leggið lok yfir og látið malla við hægan hita í um 1 klst. Flysjið á meðan sætu kartöflurnar og skerið þær í stóra bita. Fræhreinsið paprikurnar og skerið þær í bita. Setjið kartöflu- og paprikubitana í pottinn, ásamt engifer, og látið malla áfram í lokuðum potti í um hálftíma, eða þar til kartöflurnar eru meyrar. Hrærið þá garam masala saman við og berið fram, t.d. með kúskúsi.

Deila uppskrift

Share on facebook
Share on twitter
Share on pinterest

Þessi vefsíða notar vafrakökur til að bæta upplifun þína. Með því að halda áfram samþykkir þú stefnu okkar um vafrakökur.​