Steikt lifur með lauksósu

Lauksósa passar mjög vel við lambalifur. Gætið þess aðeins að steikja lifrina ekki of lengi, hún verður seig og leiðinleg ef hún er steikt of mikið.

table with empty plate, a knife and fork onto a napkin and a small bowl with salt in it

Hráefni

 1 lambalifur, meðalstór
 2 msk hveiti
 nýmalaður pipar
 salt
 3 msk smjör eða smjörlíki
 2 laukar, skornir í sneiðar
 0.25 l vatn
 1 tsk tómatþykkni (paste)
 0.5 súputeningur
 sósulitur, ef vill

Leiðbeiningar

1

Lifrin þerruð, himnuhreinsuð og skorin á ská í mjög þunnar sneiðar sem velt er upp úr hveiti blönduðu pipar og salti. Helmingurinn af smjörinu hitaður á stórri pönnu og laukurinn látinn krauma í því í 6-10 mínútur við meðalhita, eða þar til hann er meyr og gullinn. Tekinn upp með gataspaða og settur á disk. Afgangurinn af smjörinu bræddur og lifrin steikt við nokkuð góðan hita í 1½-2 mínútur á hvorri hlið. Þá er hún færð yfir á hitað fat og henni haldið heitri. Laukurinn settur aftur á pönnuna. Afgangurinn af hveitinu hristur með vatninu og hellt yfir. Tómatþykkni og muldum súputeningi hrært saman við, hitað að suðu og lauksósan látin malla í um 5 mínútur. E.t.v. lituð með nokkrum dropum af sósulit. Sett á fatið með lifrinni eða ofan á hana og borið fram.

Deila uppskrift

Share on facebook
Share on twitter
Share on pinterest

Þessi vefsíða notar vafrakökur til að bæta upplifun þína. Með því að halda áfram samþykkir þú stefnu okkar um vafrakökur.​