Steikt fíflablöð

Mörgum finnst kannski ótrúlegt að hægt sé að nýta eitthvað fíflana, sem vaxa eins og illgresi í görðum og túnum. Blöðin eru vissulega beisk á bragðið en ef þau eru tínd þegar þau eru ung og nýsprottin má vel borða þau, annaðhvort hrá í salötum eða jafnvel steikt, eins og hér:

table with empty plate, a knife and fork onto a napkin and a small bowl with salt in it

Hráefni

 500 g ung fíflablöð (einnig má nota spínat)
 100 g feitt beikon, skorið í litla bita
 1 hvítlauksgeiri, saxaður smátt
 nýmalaður pipar
 1.5 dl soð eða vatn

Leiðbeiningar

1

Veljið aðeins ung og fremur ljós blöð; þau gömlu eru of beisk. Hreinsið þau og þvoið vel og þerrið þau á eldhúspappír eða diskaþurrku. Steikið beikonið við meðalhita á stórri pönnu þar til fitan er farin að bráðna vel úr því. Setjið þá fíflablöðin á pönnuna ásamt hvítlauknum og dálitlum pipar, veltið þeim upp úr feitinni og steikið í 1-2 mínútur. Hellið soði eða vatni yfir, setjið lok á pönnuna eða breiðið álpappír yfir, og látið malla við vægan hita í 3-5 mínútur. Berið fram með kjötinu.

Deila uppskrift

Share on facebook
Share on twitter
Share on pinterest

Þessi vefsíða notar vafrakökur til að bæta upplifun þína. Með því að halda áfram samþykkir þú stefnu okkar um vafrakökur.​