Spænskt lambalæri
Hér er uppskrift að vel krydduðu lambalæri með einstaklega bragðmikilli sósu.
- 6
Hráefni
1 lambalæri
KRYDDLÖGUR:
4 tsk. salt
2 hvítlauksgeirar
2 tsk. tabasko-sósa eða harissa 2 tsk. majoram
2 tsk. paprika
2 msk. olía
2 laukar
4 msk. olía
4 -5 dl rauðvín
2 dl vatn
sósujafnari eftir smekk
Leiðbeiningar
1
Hitið ofninn á 280°C.
2
Blandið því sem fer í kryddlöginn saman og smyrjið á lærið. Setjið það í ofnskúffu og í heitan ofninn. Brúnið lærið í 5 mín. og lækkið síðan hitann í 200°C.
3
Afhýðið laukinn, skerið í fernt og raðið í kringum lærið, sáldrið olíu á laukinn, látið þetta steikjast í 30 mín.
4
Hellið þá 2 dl rauðvíni og vatni yfir lærið og látið þetta malla samtals í 1-1 ½ klst. (fer eftir stærð) eða þangað til kjarnhiti er 60-65°C.
5
Hellið lauknum og soðinu úr ofnskúffunni í pott og bætið því sem eftir er af rauðvíninu út í.
6
Sjóðið saman í góða stund og bragðbætið. Þykkið með sósujafnara.
7
Uppskriftin er úr Gestgjafanum Umsjón: Sigríður Björk Bragadóttir Myndir: Hákon Davíð Björnsson Stílisti: Ólöf Jakobína Ernudóttir