Spænsk papriku-tómatsósa

Mjög góð spænsk tómatsósa sem á sérlega vel við grillað lambakjöt af ýmsu tagi, t.d. lambafille eða lærissneiðar.

Pottur og diskur

Hráefni

 25 g hnetur eða möndlur (t.d. pekanhnetur eða valhnetur)
 6 hvítlauksgeirar
 6-8 piquillo-paprikur (niðursoðnar í krukku, t.d. frá Svansö)
 3-4 tómatar, vel þroskaðir, saxaðir
 1 msk sherry- eða rauðvínsedik
 nýmalaður pipar og salt
 1.5 dl jómfrúarolía
 2 msk steinselja, söxuð

Leiðbeiningar

1

Ristið hneturnar á pönnu eða á grillinu þar til þær eru rétt farnar að taka lit. Setjið þær svo í matvinnsluvél eða blandara ásamt hvítlauk, paprikum, tómötum, ediki, pipar og salti og látið vélina ganga þar til allt er komið í mauk. Þeytið þá olíunni saman við smátt og smátt. Smakkið og þeytið að lokum steinseljunni saman við.

Deila uppskrift