Sinnepsgljáð lambalæri
Hér kemur mjög einföld en afar gómsæt uppskrift að ofnsteiktu lambalæri, þar sem lærinu er komið fyrir á kartöflubeði og það síðan steikt við jafnan hita. Uppskriftina má gera enn einfaldari með því að sleppa gljáanum alveg og láta nægja að krydda lærið með pipar, salti og rósmaríni.
![Pottur og diskur](https://islensktlambakjot.is/wp-content/uploads/2021/03/tomt.jpg)
Hráefni
Leiðbeiningar
Ofninn hitaður í 200°C. Lærið kryddað vel með pipar og salti. Olíunni hellt í steikarfat (best að það sé ekki mjög stórt), kartöflurnar settar í fatið og velt upp úr olíunni. Kryddað með pipar og salti. 2-3 rósmaríngreinar lagðar ofan á og síðan er lærið lagt ofan á rósmaríngreinarnar. Sett í ofninn og steikt í um 1 klst. Sinnepi, hunangi og 2 msk. af söxuðu rósmaríni hrært saman, smurt á lærið og steikt í 20-30 mínútur í viðbót. Lærið látið standa í a.m.k. 15 mínútur eftir að það er tekið úr ofninum. Borið fram með kartöflunum og e.t.v. með sinneps- eða hvítlaukssósu.