Sérrínýru frá Púertó Ríkó

Lambanýru þykja víða um heim hið mesta sælgæti. Þessi einfaldi nýrnaréttur er frá Púertó Ríkó en rætur hans liggja þó á Spáni, þar sem nýru eru einmitt gjarnan soðin í sérrísósu.

table with empty plate, a knife and fork onto a napkin and a small bowl with salt in it

Hráefni

 600 g lambanýru
 safi úr 1 sítrónu
 2 msk. maísmjöl eða hveiti
 nýmalaður pipar
 salt
 75 g smjör
 0.5 laukur, saxaður smátt
 blöð af 1 rósmaríngrein (má sleppa)
 nokkrar tímíangreinar
 0.5 dl þurrt sérrí

Leiðbeiningar

1

Skerið nýrun í sundur í miðju, hreinsið þau og dragið af þeim himnuna. Setjið þau í skál, kreistið safann úr sítrónunni yfir og bætið svo við köldu vatni, svo miklu að fljóti yfir nýrun. Látið standa í um 15 mínútur en takið nýrun þá upp úr og látið renna vel af þeim á eldhúspappír. Blandið saman maísmjöli, pipar og salti og veltið nýrunum upp úr blöndunni. Bræðið smjörið á pönnu og látið laukinn krauma í því þar til hann er glær. Bætið þá nýrunum á pönnuna ásamt tímíani og steikið í 2-3 mínútur á hvorri hlið. Hellið sérríinu yfir, hitið að suðu og látið sjóða í um 2 mínútur. Bragðbætið með pipar og salti ef þarf og berið fram heitt, t.d. með soðnum hrísgrjónum.

Deila uppskrift

Share on facebook
Share on twitter
Share on pinterest

Þessi vefsíða notar vafrakökur til að bæta upplifun þína. Með því að halda áfram samþykkir þú stefnu okkar um vafrakökur.​