Saltkjöt og baunir

Flestir halda að það þurfi að leggja baunirnar í bleyti, jafnvel sólarhring áður en sjóða á súpuna, en það er óþarfi. Það er hægt að setja þær beint í pottinn.

table with empty plate, a knife and fork onto a napkin and a small bowl with salt in it

Hráefni

 250 g gular baunir
 2 l vatn
 1 laukur, saxaður
 2 tsk timjan, þurrkað
 1,2 kg saltkjöt
 500 g gulrófur, afhýddar og skornar í bita
 500 g kartöflur, afhýddar og skornar í bita
 250 g gulrætur, skafnar og skornar í bita
 nýmalaður pipar, ef vill

Leiðbeiningar

1

Baunirnar settar í pott með vatni, timjan og lauk og hitað að suðu. Látið malla undir loki í um 45 mínútur. Þá eru einn eða tveir kjötbitar settir út í en hinir soðnir sér í potti. Látið sjóða áfram í um hálftíma. Þegar líður á suðutímann er rétt að líta á baunirnar öðru hverju, hræra og athuga hvort bæta þarf við vatni. Grænmetið sett út í og soðið í 20-30 mínútur í viðbót, eða þar til allt er meyrt. Smakkað og e.t.v. kryddað með pipar og salti.

Einnig má sjóða allt kjötið sér en þá þarf að salta baunirnar, eða sjóða það allt í súpunni en þá gæti hún orðið of sölt. Líka má sjóða kjötið allt sér en sjóða þess í stað vænan bita af beikoni eða söltuðu svínafleski í súpunni til bragðbætis.

Deila uppskrift

Share on facebook
Share on twitter
Share on pinterest

Þessi vefsíða notar vafrakökur til að bæta upplifun þína. Með því að halda áfram samþykkir þú stefnu okkar um vafrakökur.​