Rósmarínkryddað lambalæri

Rósmarín er krydd sem á vel við lambakjöt og ef stungið er í það rósmarínkvistum á víð og dreif, ásamt hvítlauksflísum og hráskinkubitum, fær lærið mjög skemmtilegt bragð. Best er að steikja það ekki of mikið, það ætti að vera vel bleikt í miðju.

table with empty plate, a knife and fork onto a napkin and a small bowl with salt in it

Hráefni

 1 lambalæri, fremur vænt
 nýmalaður pipar
 salt
 3-4 hvítlauksgeirar
 nokkrar sneiðar af hráskinku (nota má magurt beikon)
 6-7 rósmaríngreinar

Leiðbeiningar

1

Hitið ofninn í 230°C. Þerrið lambalærið með eldhúspappír og núið pipar og salti vel inn í það. Stingið djúpar raufar í það á 15-20 stöðum með mjóum, oddhvössum hníf. Skerið hvítlauksgeirana í flísar og stingið einni flís djúpt í hverja rauf. Skerið hráskinkuna og 3-4 rósmaríngreinar í bita, álíka marga og raufarnar, og stingið skinkubita og rósmarínkvisti í hverja rauf, en alls ekki á kaf. Dreifið afganginum af rósmaríngreinunum á botninn á steikarfati, leggið lærið ofan á, setjið í ofninn og steikið í 15-20 mínútur eða þar til kjötið er byrjað að brúnast. Lækkið þá hitann í 180°C og steikið áfram í 1-1 1/2 klukkustund, eftir því hve stórt lærið er og hve mikið það á að vera steikt. Gott er að nota kjöthitamæli, stinga honum í vöðvann þar sem hann er þykkastur en gæta þess að endinn snerti ekki bein. Mælirinn á að sýna um 55°C fyrir lítið steikt, 60-65°C fyrir meðalsteikt og 70°C fyrir gegnsteikt. Takið lærið úr ofninum og látið það standa í a.m.k. 10 mínútur áður en skorið er í það, og gjarna lengur.

2

Einnig má setja lærið á grind sem höfð er yfir ofnskúffu eða eldföstu fati og skera þá t.d. kartöflur í fremur þunnar sneiðar, velta þeim upp úr ólífuolíu kryddaðri með pipar og salti, raða í fatið og baka með. Þær taka þá í sig bragð af steikarsafanum sem drýpur yfir þær á steikingartímanum.

Deila uppskrift

Share on facebook
Share on twitter
Share on pinterest

Þessi vefsíða notar vafrakökur til að bæta upplifun þína. Með því að halda áfram samþykkir þú stefnu okkar um vafrakökur.​