Rómverskur lambakjötsréttur með pasta

Lambakjöt er kannski ekki það fyrsta sem fólki dettur í hug þegar pasta er nefnt en Ítalir eiga til ýmsa góða pastarétti með lambakjöti og þar á meðal er þessi hér.

table with empty plate, a knife and fork onto a napkin and a small bowl with salt in it

Hráefni

 1 kg súpukjöt, valið, eða framhryggjarsneiðar
 2 hvítlauksgeirar
 1 rósmaríngrein, eða 0.5 tsk þurrkað rósmarín
 3 msk ólífuolía
 2 gulrætur, saxaðar smátt
 2 sellerístönglar, saxaðir smátt
 nokkur salvíublöð, söxuð
 3-4 msk steinselja, söxuð
 150 ml rauðvín
 1 dós saxaðir tómatar
 nýmalaður pipar
 salt

Leiðbeiningar

1

Kjötið fituhreinsað að nokkru leyti ef ástæða þykir til; ef einhverjir bitanna eru mjög stórir er best að skipta þeim. Hvítlaukurinn skorinn í flísar og þeim stungið í kjötið, meðfram beini, ásamt nokkrum rósmarínnálum. Olían hituð í víðri, þykkbotna pönnu eða potti og gulrætur, sellerí, salvía og steinselja látið krauma við góðan hita þar til það er rétt farið að brúnast. Þá er grænmetinu ýtt út til hliðanna en kjötið sett á pönnuna í staðinn og brúnað á báðum hliðum. Síðan er víni og tómötum hellt yfir, kryddað með pipar og salti og látið malla við hægan hita undir loki í 30-45 mínútur, eða þar til kjötið er meyrt. Ef uppgufun er mikil má bæta svolitlum tómatsafa eða vatni á pönnuna. Borið fram með pasta (tagliatelle).

Deila uppskrift

Share on facebook
Share on twitter
Share on pinterest

Þessi vefsíða notar vafrakökur til að bæta upplifun þína. Með því að halda áfram samþykkir þú stefnu okkar um vafrakökur.​