Rifin lambakjöts samloka

með hrásalati, jalapeno og stökkum kartöflum
rifin lambakjöts samloka

Hráefni

Hægeldaður og rifinn lambabógur með BBQ sósu
 2.5 kg lambabógur
  3 laukar, skornir í þykkar sneiðar
  1 hvítlauksgeirar, afhýddir
  1 msk. broddkúmen (e. cummin)
 1-2 tsk. sjávarsalt
  600-700 ml BBQ sósa
Hrásalat með jalapeno-pipar
 150 g majónes
 50 g jógúrt
 2 tsk. sítrónusafi
 1 tsk. sítrónubörkur, rifinn fínt
 1 hvítlauksgeiri, saxaður smátt
 200 g rauðkál, kjarnhreinsað og skorið mjög þunnt
 1 msk. steinselja
 3-4 msk. jalapeno, skorið gróflega
Rifin lambakjötssamloka
 350-400 g litlar kartöflur
 olía, til steikingar
 u.þ.b. 1 tsk. sjávarsalt
 u.þ.b. ¼ tsk. svartur pipar, nýmalaður
 1 grunnuppskrift hægeldaður og rifinn lambabógur með BBQ sósu
 u.þ.b. 4 msk. BBQ sósa
 4 hamborgarabrauð, hituð
 1 uppskrift hrásalat með jalapeno

Leiðbeiningar

Hægeldaður og rifinn lambabógur með BBQ sósu
1

Hitið ofn í 160°C. Setjið lauk og hvítlauk í stórt og djúpt eldfast mót. Kryddið kjötið með broddkúmeni og salti og leggið ofan á laukinn. Hellið vatni í mótið þannig að það nái upp 4 cm meðfram hliðunum. Leggið álpappír yfir mótið og lokið honum vel meðfram öllum hliðum.

2

Eldið í 4-5 klst. eða þar til kjötið er mjúkt og rennur auðveldlega af beininu. Fjarlægið álpappírinn þegar u.þ.b. 1 klst. er eftir af eldunartímanum þannig að kjötið nái að fá stökka skorpu. Takið úr ofninum og látið standa í a.m.k. 20 mín. áður er kjötið er rifið niður.

3

Fjarlægið álpappírinn þegar u.þ.b. 1 klst. er eftir af eldunartímanum þannig að kjötið nái að fá stökka skorpu. Takið úr ofninum og látið standa í a.m.k. 20 mín. áður er kjötið er rifið niður. Rífið kjötið frá beininu með gaffli eða höndunum og setjið í stóra skál. Blandið BBQ sósu vel saman við þannig að það þeki allt kjötið.

Hrásalat með jalapeno-pipar
4

Setjið majónes, sítrónusafa, sítrónubörk og hvítlauk saman í blandara og maukið þar til allt hefur samlagast vel.

5

Setjið rauðkál, steinselju og jalapeno í skál og blandið saman. Hrærið sósunni saman við og kælið þar til fyrir notkun.

Rifin lambakjötssamloka
6

Komið vatni upp að suðu fyrir kartöflurnar og sjóðið í 12-14 mín. eða þar til mjúkar í gegn, sigtið vatnið frá og setjið kartöflurnar til hliðar. Látið kólna örlítið og skerið kartöflurnar í tvennt.

7

Hitið pönnu og hafið á háum hita. Steikið kartöflurnar í 4-5 mín. eða þar til þær eru stökkar, sáldrið yfir salti og pipar.

8

Smyrjið brauðin með BBQ-sósu, og fyllið með rifnu lambakjöti og hrásalati. Berið fram með stökkum kartöflum.

Deila uppskrift

Share on facebook
Share on twitter
Share on pinterest

Þessi vefsíða notar vafrakökur til að bæta upplifun þína. Með því að halda áfram samþykkir þú stefnu okkar um vafrakökur.​