Rauðvínssósa
Þessi sósa er hugsuð sem meðlæti með villibráðarkrydduðum kindalærvöðva en auðvitað má nota hana með ýmsu öðru, nota þá e.t.v. bara rauðvín í staðinn fyrir kryddlöginn og bragðbæta sósuna með aðeins meiri villibráðarkrafti eða lambakjötskrafti.
- 4
Hráefni
3 dl rauðvínskryddlögur
steikarsoð úr ofnskúffunni
nýmalaður pipar
salt
e.t.v. 1-2 tsk. villibráðarkraftur (Oscar)
sósujafnari
Leiðbeiningar
1
Setjið kryddlöginn í pott, hitið að suðu og látið sjóða rösklega í 5-10 mínútur. Síið þá löginn og setjið hann aftur í pottinn. Bætið steikarsoðinu út í, hitið að suðu og látið malla í nokkrar mínútur. Smakkið og bragðbætið með pipar, salti og dálitlum villibráðarkrafti ef ástæða er til. Sjóðið áfram í nokkrar mínútur og þykkið síðan sósuna með dálitlum sósujafnara, en hún á ekki að vera þykk.