Rauðkál með eplum og balsamediki
Sparileg rauðkálsuppskrift sem gefur bragðmikið og ljúffengt rauðkál, ilmandi af kryddi og góðgæti og afar vel viðeigandi með jólasteikinni eða páskalambinu.
- 4
Hráefni
1 rauðkálshöfuð, um 750 g
1 rauðlaukur
2 græn epli
2 msk. ólífuolía
1 dl týtuberjasulta eða sólberjasulta
100 g sykur, eða eftir smekk
3 msk. balsamedik
0.5 tsk. engifer
0.25 tsk. kanell
negull á hnífsoddi
nýmalaður pipar
salt
2 dl vatn
Leiðbeiningar
1
Takið stilkinn úr rauðkálinu og skerið það svo í mjóar ræmur. Saxið rauðlaukinn. Afhýðið og kjarnhreinsið eplin og skerið þau í bita. Hitið olíuna í þykkbotna potti og látið laukinn krauma í henni við meðalhita í nokkrar mínútur. Setjið svo rauðkálið og eplin út í og hrærið vel. Bætið sultu, sykri, balsamediki og kryddi í pottinn og síðan vatninu. Hitið að suðu og látið malla við mjög vægan hita undir loki í um 45 mínútur, eða þar til rauðkálið er meyrt. Hrærið öðru hverju og bætið við sykri eða ediki eftir smekk.