Pönnusteiktar lærissneiðar

Með þessum gómsætu lærissneiðum væri gaman að hafa svolítið óhefðbundið meðlæti, t.d. polentu með sólþurrkuðum tómötum (sjá uppskrift) eða kúskús. En svo má líka hafa soðin hrísgrjón, eða bara kartöflur og grænmeti.

table with empty plate, a knife and fork onto a napkin and a small bowl with salt in it

Hráefni

 4 vænar lærissneiðar, ekki of þunnar
 1 msk ólífuolía
 0.5 tsk kummin
 0.5 tsk kóríanderfræ, möluð
 0.5 tsk timjan
 nýmalaður pipar
 chilipipar á hnífsoddi
 salt

Leiðbeiningar

1

Lærissneiðarnar þerraðar og penslaðar með olíunni. Öllu kryddinu nema saltinu blandað saman, stráð á lærissneiðarnar báðum megin og látið liggja í a.m.k. hálftíma. Grillpanna eða venjuleg panna hituð (einnig má grilla kjötið á útigrilli), lærissneiðarnar saltaðar og síðan steiktar við meðalhita í 3-5 mínútur á hvorri hlið, eftir því hvað þær eiga að vera mikið steiktar og hvað þær eru þykkar. Látnar bíða í 2-3 mínútur eftir að þær eru teknar af pönnunni og síðan bornar fram.

Deila uppskrift

Share on facebook
Share on twitter
Share on pinterest

Þessi vefsíða notar vafrakökur til að bæta upplifun þína. Með því að halda áfram samþykkir þú stefnu okkar um vafrakökur.​