Pestókryddaður kindalærvöðvi

Mjög einföld uppskrift þar sem tilbúin pestósósa úr krukku er aðaluppistaðan í kryddleginum sem kjötið er látið liggja í áður en það er steikt í ofni. Svo má nota kryddlöginn sem sósu á kjötið þegar það er fullsteikt.

table with empty plate, a knife and fork onto a napkin and a small bowl with salt in it

Hráefni

 1 kg kindainnralærvöðvi (u.þ.b. 3 bitar)
 5 msk. pestósósa
 2 hvítlauksgeirar, saxaðir smátt
 0.5 tsk. tímían
 nýmalaður pipar
 0.5 dl ólífuolía
 salt

Leiðbeiningar

1

Setjið kjötið í skál. Blandið saman pestósósu, hvítlauk, tímíani og pipar og hrærið svo ólífuolíunni saman við. Hellið yfir kjötið og snúið bitunum til að þekja þá með blöndunni. Látið standa í kæli í nokkrar klukkustundir. Hitið ofninn í 225°C. Saltið kjötið, setjið bitana í eldfast fat, hellið afganginum af kryddleginum úr skálinni yfir, setjið kjötið í ofninn og steikið það í 25-30 mínútur. Ef það á að vera gegnsteikt má slökkva á ofninum og láta kjötið standa í honum í u.þ.b. 10 mínútur í viðbót. Takið það svo út og látið standa í um 10 mínútur áður en það er skorið í sneiðar og borið fram. Nota má löginn sem safnast fyrir í ofnskúffunni sem sósu á kjötið.

Deila uppskrift

Share on facebook
Share on twitter
Share on pinterest

Þessi vefsíða notar vafrakökur til að bæta upplifun þína. Með því að halda áfram samþykkir þú stefnu okkar um vafrakökur.​