Pestókryddaður kindalærvöðvi
Mjög einföld uppskrift þar sem tilbúin pestósósa úr krukku er aðaluppistaðan í kryddleginum sem kjötið er látið liggja í áður en það er steikt í ofni. Svo má nota kryddlöginn sem sósu á kjötið þegar það er fullsteikt.
- 4
Hráefni
Leiðbeiningar
Setjið kjötið í skál. Blandið saman pestósósu, hvítlauk, tímíani og pipar og hrærið svo ólífuolíunni saman við. Hellið yfir kjötið og snúið bitunum til að þekja þá með blöndunni. Látið standa í kæli í nokkrar klukkustundir. Hitið ofninn í 225°C. Saltið kjötið, setjið bitana í eldfast fat, hellið afganginum af kryddleginum úr skálinni yfir, setjið kjötið í ofninn og steikið það í 25-30 mínútur. Ef það á að vera gegnsteikt má slökkva á ofninum og láta kjötið standa í honum í u.þ.b. 10 mínútur í viðbót. Takið það svo út og látið standa í um 10 mínútur áður en það er skorið í sneiðar og borið fram. Nota má löginn sem safnast fyrir í ofnskúffunni sem sósu á kjötið.