Patinkin-lambagrillsteik

Þessi einfalda uppskrift er upprunnin hjá bandaríska kvikmyndaleikaranum Mandy Patinkin og er hér tekin úr matreiðslubók móður hans, Doralee Patinkin.

table with empty plate, a knife and fork onto a napkin and a small bowl with salt in it

Hráefni

 1 lambalæri
 5-6 hvítlauksgeirar, saxaðir smátt
 100 ml sojasósa
 3 msk þunnt hunang

Leiðbeiningar

1

Lærið úrbeinað og skorið í þykkasta vöðvann og honum flett í sundur, þannig að svipuð þykkt verði á öllu kjötstykkinu. Það er svo pikkað vel með beittum hnífsoddi á báðum hliðum – sérstaklega þó að utan – og hvítlauknum stráð á það. Sett í plastpoka. Sojasósa og hunang hrært saman, hellt yfir og lærinu velt fram og aftur til að lögurinn þeki það. Pokanum er svo lokað, hann lagður í fat og látinn standa í kæli í um hálfan sólarhring; snúið tvisvar eða þrisvar. Grillið í ofninum hitað. Kjötstykkið sett á grind sem höfð er yfir ofnskúffu og grillað í 10-12 mínútur á hvorri hlið. Þá er slökkt á grillinu en ofninn stilltur á 200 gráður og kjötið látið vera í honum í 5-10 mínútur í viðbót (fer eftir þykkt og hvað það á að vera mikið steikt). Tekið út og látið bíða nokkra stund áður en það er skorið í sneiðar á ská.
Þessa steik má líka matreiða á útigrilli en þá er best að fylgjast vel með kjötinu og snúa því oft.

Deila uppskrift

Share on facebook
Share on twitter
Share on pinterest

Þessi vefsíða notar vafrakökur til að bæta upplifun þína. Með því að halda áfram samþykkir þú stefnu okkar um vafrakökur.​