Ofnbakað lambalæri

Hitið ofninn í 200°C og nuddið olíu á lærið, stráið oregano og tímian ofan á og kryddið með salti og pipar. Setjið lærið ofnskúffu ásamt vorlaukunum og eldið í 40-50 mín, eftir því hversu stórt lærið er og hversu vel þið viljið hafa það steikt. Látið hvíla í a.m.k 15 mín áður en borið fram.

Berið fram með meðlæti að eigin vali og heimagerðri bernaise sósu.

Bræðið smjörið á meðalhita, látið kólna ögn, æskilegur hiti um 65°C

Setjið vatn í pott og hitið að suðu, lækkið hitann. Setjið eggjarauður, bernaise essence og vatn í skál sem passar á pottinn. Þeytið viðstöðulaust yfir heitu vatnsbaðinu þar til rauðurnar þykkna og blandan er loftkennd og létt í sér. Ath hér er auðvelt að fara framúr sér og elda rauðurnar of hratt!

Takið skálina frekar af hitanum nokkrum sinnum og hægið á ferlinu sem má taka nokkrar mínútur. Takið af hitanum þegar réttri áferð er náð og þeytið smjörinu í smáum skömmtum saman við eggjarauðurnar.

Bætið estragon við og smakkið til með salti, pipar og mögulega ögn af bernaise essence. Geymið á heitum stað þar til sósan er borin fram.