Ofnbakað úrbeinað lambalæri

Hitið ofn í 200°C. Blandið olíu, hunangi, sinnepi og kryddi saman í skál og smyrjið á lærið. Notið hendur og makið öllu vel á allt lærið, ekki er verra ef lærið fær að marinerast í ísskáp í nokkrar klukkustundir eða yfir nótt en það þarf ekki.

Setjið lærið í ofn og bakið í u.þ.b. 50 mínútur. Ausið soðinu yfir nokkrum sinnum á meðan eldun stendur yfir. Takið lærið út og látið jafna sig á borði í 15 mínútur og hafið álpappír yfir á meðan.

Við mælum alltaf með notkun kjarnhitamælis!

Á grillinu, brúnið lærið vel og setjið síðan í eldfastan bakka og eldið áfram á grillinu á óbeinum hita þ.e. að það logi ekki beint undir bakkanum. Að öðru leyti sama aðferð og munið kjarnhitamælinn.

Setjið í eldfast mót ásamt 100 gr af smjöri, saltið og piprið og eldið í ofninum samhliða lærinu. Má líka hafa grænmetið í sömu ofnskúffu og lærið.

Ath. þegar lærið er eldað og hvílir á borðinu, að hækka e.t.v. hitann í 200 °C og elda grænmetið ögn lengur ef þarf.

Berið fram með grænmetinu, bökuðum eða grilluðum kartöflum og góðri soðsósu.