Ofnbakað lambafillet á ítalskan hátt

Skerið í fituna á filletinu og brúnið á pönnu, marinerið í pesto og dijonsinnepi. Gott að láta standa 2-3 tíma í marineringunni má gjarnan standa yfir nótt þá í kæliskáp.

Skerið kúrbít og gulrætur í teninga. Saxið laukinn gróft niður.

Brúnið grænmetið á pönnu í smjöri og setjið eldfastform.

Bætið tómötum, hvítlauk, ólífum og rósmarín við og hellið rauðvínsediki eða rauðvíni yfir.

Raðið brúnuðum og marineruðum lambastykkjunum ofaná.

Bakið við 150°C í 15 – 20 mínútur.

Takið lambið úr forminum og látið hvíla í 10 mínútur undir álpappír. Haldið áfram að baka grænmetið þann tíma sem kjötið hvílist.

Skerið lambafilletið í sneiðar setjið á fat og ausið grænmetinu yfir berið fram með nýjum kartöflum