Norður-afrískar kartöflur
Óvenjulegt meðlæti sem hentar mjög vel með grilluðu lambakjöti, krydduðu að norður-afrískum eða arabískum hætti. Sleppa má sætu kartöflunum og nota meira af kartöflum og gulrótum í staðinni.
- 4
Hráefni
2 msk ólífuolía
400 g kartöflur, afhýddar og skornar í stauta
250 g sætar kartöflur, afhýddar og skornar í stauta
100 g gulrætur, skafnar og skornar í frekar þunnar sneiðar
1 hvítlauksgeiri, skorinn í bita eða saxaður smátt
1 lárviðarlauf
nokkrar timjangreinar, eða 0.25 tsk þurrkað timjan
10 þurrkaðar apríkósur, skornar í fjórðunga
0.25 tsk pipar
0.25 tsk salt
0.25 tsk kanell
0.25 tsk kummin, steytt
chilipipar á hnífsoddi
Leiðbeiningar
1
Olían hituð í stórum, þykkbotna potti eða pönnu, gjarna húðaðri. Þegar hún er vel heit eru kartöflur, sætar kartöflur, gulrófur og hvítlaukur sett út í ásamt lárviðarlaufi og timjani. Hitinn fljótlega lækkaður og steikt við meðalhita í um 8 mínútur; hrært oft á meðan. Síðan er apríkósunum og kryddinu bætt á pönnuna, hrært vel og steikt áfram þar til grænmetið er meyrt. Hrært oft, svo að steikingin verði sem jöfnust og ekki brenni við.