Steikt lambalæri

Mælum ávallt með notkun á kjarnhitamæli við ofnsteikingu!

Hitið ofn á 180°C, setjið lærið í ofnbakka og smyrjið með ögn af olíu og kryddið vel með chilidufti, reyktri papriku og salti og pipar.

Brúnið í ofni í 20 mínútur. Lækkið síðan hitann í 160 °C og eldið áfram í u.þ.b. klukkustund, eða þar til kjarnhitastig passar ykkar smekk, sem oftast er á bilinu 58-68 °C.

Hækkið hitann á ofninum í 180°C og smyrjið hunangi ofan á og fínt skornum grænum og rauðum chili og möndlunum á lærið, setjið aftur í ofninn í 5-10 mínútur.

Sætar kartöflur eru þvegnar, þerrið og skerið í tvennt eftir endilöngu, penslið með olíu og kryddið með pipar og salti, setjið í ofnbakka með bökunarpappír undir og látið sárið snúa niður. Bakið á 180 °C í a.m.k. 20 mín eða þar til þær eru mjúkar í gegn.

Svitið lauk, hvítlauk, chili og sellerí í 3 mín bætið paprikudufti við og svitið í 1 mín til viðbótar.

Bætið tómötunum við og sjóðið rólega í 20 mín.

Smakkið til með berkinum af lime, limesafanum og reykta saltinu.