Marokkóskur lambapottur

Sleppa má apríkósunum og tómötunum og nota eingöngu sveskjur, og þá ívið meira en hér er gert. Þá er líka gott að bæta dálitlu hunangi út í og nota appelsínusafa í staðinn fyrir sítrónusafann.

table with empty plate, a knife and fork onto a napkin and a small bowl with salt in it

Hráefni

 1.5 kg lambaframhryggur eða annað lambakjöt
 1 tsk kanell
 1 tsk engifer
 1 tsk kummin (cumin), steytt
 nýmalaður pipar
 salt
 3 msk ólífuolía
 0.75l kjötsoð, eða vatn og súputeningur
 2 laukar, saxaðir smátt
 3-4 hvítlauksgeirar, saxaðir smátt
 200 g steinlausar sveskjur
 5-6 tómatar, saxaðir, eða 1 dós niðursoðnir
 200 g hrísgrjón
 1 sítróna
 3 msk furuhnetur
 10-12 mintulauf (og meira til skreytingar)

Leiðbeiningar

1

Ofninn hitaður í 180 gráður. Kjötið beinhreinsað, fituhreinsað að mestu, og skorið í bita. Kanel, engifer, kummini, pipar og salti blandað saman, sett í plastpoka ásamt kjötinu og velt fram og aftur. Olían hituð í stórum, þykkbotna potti og kjötið brúnað vel við góðan hita. Á meðan er soðið hitað í öðrum potti. Laukur og hvítlaukur settur út í, hitinn lækkaður og steikt í 2-3 mínútur í viðbót. Þá er sveskjunum hrært saman við ásamt tómötunum og heitu soðinu. Hrært, hitað að suðu, pottinum lokað og látið malla við hægan hita í um 1 klst. Hrísgrjónin sett út í, hrært og látið malla í hálftíma til viðbótar; meira soði eða vatni bætt við eftir þörfum. Þegar grjónin eru vel meyr er börkurinn rifinn af sítrónunni og safinn kreistur úr henni og hrært saman við ásamt saxaðri mintu og síðan smakkað til með pipar og salti. Borið fram með harissa (norður-afrísku chilimauki).

Deila uppskrift

Share on facebook
Share on twitter
Share on pinterest

Þessi vefsíða notar vafrakökur til að bæta upplifun þína. Með því að halda áfram samþykkir þú stefnu okkar um vafrakökur.​