Marokkóskur lambapottréttur

Hitið stóran þykkbotna pott með smjöri og olíu, hafið á miðlungsháum hita.

Steikið gulrætur og sellerí í 7-8 mín. eða þar til grænmetið er byrjað að karamellíserast, setjið yfir á disk.

Hrærið hveiti, ras el hanut og salt saman í skál, blandið kjötbitunum saman við þannig að blandan þeki allt kjötið vel.

Hitið olíu í pottinum og steikið kjötið þar til það er brúnað á öllum hliðum, hér þarf að steikja kjötið í skömmtum til að forðast að kjötið soðni. Setjið kjötið yfir á diskinn með steikta grænmetinu.

Hellið hvítvíni í pottinn og notið trésleif til að losa um skófirnar í pottinum, látið vínið sjóða niður.

Setjið grænmeti, lamb, kjúklingasoð, harissa-krydd, sítrónubörk og tómata í pottinn, hrærið saman og látið koma upp að suðu. Setjið lok á pottinn og lækkið undir hitanum, látið malla við vægan hita í 1 ½ klst. Hrærið í réttinum af og til og passið að hráefnið festist ekki við botninn, hér er hægt að bæta við meira kjúklingasoði ef þarf.

Takið lokið af pottinum og bætið við kjúklingabaunum, ferskum kóríander og myntu. Látið malla í 10-12 mín. til viðbótar. eða þar til sósan hefur þykknað, ef hún hefur þykknað of mikið má bæta við meira af kjúklingasoði eða örlitlu vatni.

Bragðbætið með auka ras el hanut-kryddblöndu ef vill og berið fram með kúskús, jógúrt og ósætri chili-sósu ef vill.