Lifrarpylsa
Ekta íslenskt, hollt og gott
- 180 mín
- 15
Hráefni
3 lambalifrar, meðalstórar
1 l. mjólk, eða undanrenna eða kjötsoð
1 msk. gróft salt
300 gr. haframjöl
200 gr. heilhveiti
um 600 gr. rúgmjöl
800 gr. mör (eða eftir smekk), fremur smátt brytjaður
saumaðir vambarkeppir
Leiðbeiningar
1
Hreinsið lifrarnar vel, takið himnur og æðar af.
2
Hakkið í hakkavél eða matvinnsluvél og hrærið síðan saman við mjólkina og saltið.
3
Haframjöli og mestöllu rúgmjölinu blandað saman og hrært út í lifrarmaukið. Meira rúgmjöli bætt við, þar til kominn er þykkur grautur, og síðast mörnum.
4
Látið í keppina og þeir fylltir rúmlega til hálfs.
5
Lokið keppunum með sláturnálum eða saumið fyrir þá.
6
Hitið vatn stórum potti og saltið ríkulega, keppirnir settir ofan í þegar sýður.
7
Pikkið göt á keppina með prjóni þegar vatnið fer að sjóða aftur. Látið sjóða við vægan hita í 2-2½ klst eftir stærð, snúið öðru hvoru.
8
Keppirnir eru svo teknir upp úr með gataspaða og kældir, eigi ekki að borða lifrarpylsuna heita.
Lifrarpylsuna er tilvalið að frysta og nota síðar.