Léttsteiktar lambalundir með myntubættu ertumauki og baunum

Lambakjöt er ljúft og á alltaf við og ekki síst núna þegar hitastigið fer lækkandi og fallegu haustlitirnir koma fram til að vitna um dýrðlegt og gjöfult sumarið. Þessi uppskrift er úr haustblaði Gestgjafans 2012 í umsjón Úlfars Friðbjörnssonar matreiðslumeistara.

table with empty plate, a knife and fork onto a napkin and a small bowl with salt in it

Hráefni

 800 g lambalundir, sinalausar
 salt og nýmalaður pipar
 3 msk. olía
 1 laukur, smátt saxaður
 2 msk. sykur
 fínt rifinn börkur af 2 sítrónum
 1 dl steinselja, smátt söxuð
 2 dl lambasoð eða vatn og lambakraftursósujafnari
 1-2 msk. sítrónusafi
 40 g kalt smjör í teningum

Leiðbeiningar

1

Kryddið lambalundir með salti og pipar og steikið upp úr olíu á vel heitri pönnu í 3-4 mín.

Snúið lundunum reglulega þannig að þær verði jafnbrúnaðar á öllum hliðum. Takið lundirnar af pönnunni og haldið heitum. bætið lauk og sykri á pönnuna og látið krauma í 30 sekúndur.

Setjið sítrónubörk, steinselju og lambasoð saman við og látið sjóða í 2-3 mín. Þykkið sósuna með sósujafnara og bragðbætið með salti, pipar og sítrónusafa. Takið pönnuna af hellunni, bætið smjöri saman við og hrærið í með sleif þar til smjörið er bráðnað, eftir það má sósan ekki sjóða.

Berið lundirnar fram með sósunni, ertumauki og t.d. baunum og steiktum kartöflum.

2

Myntubætt ertumauk:

3

300 g frosnar grænar ertur, þiðnar
1 laukur, smátt saxaður
saltvatn
40 g smjör
1 tsk. sítrónusafi
2 msk. mynta, smátt söxuð
nýmalaður pipar

Setjið ertur í pott ásamt lauk, salti og vatni þannig að rétt fljóti yfir og sjóðið í 7 mín.

Sigtið helminginn af vatninu frá og hellið restinni úr pottinum í matvinnsluvél.

Maukið allt vel saman ásamt smjöri, sítrónusafa, myntu, salti og pipar. Merjið í gegnum fínt sigti.

4
Uppskriftin er úr Gestgjafanum. Umsjón: Úlfar Finnbjörnsson Myndir: Karl Petersson

Deila uppskrift

Share on facebook
Share on twitter
Share on pinterest

Þessi vefsíða notar vafrakökur til að bæta upplifun þína. Með því að halda áfram samþykkir þú stefnu okkar um vafrakökur.​