Langtímaeldaðir lambaskankar með kryddjurtum í mysusósu

Sunnudagshryggur og helgarlamb eru orð sem við grípum gjarnan til þegar við ætlum að lýsa eldamennsku frídaganna. Stundum erum við í stuði fyrir nýjungar og stundum langar okkur bara í lambakjöt eins og mamma eða amma gerðu. Minningarnar streyma fram og stemningin í eldhúsinu verður einstaklega heimilisleg og kósí. Hérna er ein frábær úr Gestgjafanum.

table with empty plate, a knife and fork onto a napkin and a small bowl with salt in it

Hráefni

 4 stórir lambaskankar
 salt og nýmalaður pipar
 2 laukar, skrældir og skornir í báta
 4 dl mysa eða 3 dl hvítvín
 2 lárviðarlauf
 4-6 greinar tímían eða 1 tsk. þurrkað
 4-6 rósmaríngreinar eða 1 tsk. þurrkað
 4 hvítlauksgeirar
 2-3 dl vatn
 1 msk. lambakraftur
 sósujafnari
 40 g kalt smjör í teningum

Leiðbeiningar

1

Hitið ofninn í 190°C.

Saltið lambaskanka og kryddið með pipar og setjið í eldfast mót ásamt laukbátum.

Setjið mótið í ofninn og bakið í 15 mín. eða þar til hæklarnir eru orðnir fallega brúnir. Bætið þá mysu, lárviðarlaufi, rósmaríni og hvítlauk í formið og lækkið hitann í 140°C.

Bakið áfram í 2 klst. eða þar til skankarnir eru orðnir vel mjúkir undir tönn. Sigtið þá vökvann úr ofnskúffunni í pott og bætið við vatni þannig að heildarmagn vökvans í pottinum verði 5 dl.

Þykkið soðið með sósujafnaranum og bragðbætið með lambakrafti, salti og pipar.

Takið pottinn af hellunni og bætið smjöri saman við. Hrærið í þar til smjörið hefur bráðnað.

Hellið þá sósunni yfir skankana og berið fram með blönduðu grænmeti og kartöflum.

2
Uppskriftin er úr Gestgjafanum. Umsjón: Úlfar Finnbjörnsson Myndir: Kristinn Magnússon

Deila uppskrift

Share on facebook
Share on twitter
Share on pinterest

Þessi vefsíða notar vafrakökur til að bæta upplifun þína. Með því að halda áfram samþykkir þú stefnu okkar um vafrakökur.​