Lambatagine með rúsínum og möndlum

Hvers kyns tagine-réttir, og þá ekki síst úr lambakjöti, eru afar algengir í Norður-Afríku. Hér er einn dæmigerður og afar góður réttur af þessu tagi, ættaður frá Tiznit í Marokkó.

table with empty plate, a knife and fork onto a napkin and a small bowl with salt in it

Hráefni

 1 kg lambakjöt, t.d. af læri
 2 msk. smjör
 3 msk. olía
 2 laukar, saxaðir
 3 hvítlauksgeirar, saxaðir smátt
 1 tsk. túrmerik
 0.5 tsk. engiferduft
 0.25 tsk. cayenne-pipar eða harissa-mauk
 nýmalaður pipar
 salt
 1 dós saxaðir tómatar
 2.5 dl vatn
 2 dl rúsínur
 2 msk. söxuð steinselja
 1 msk. söxuð kóríanderlauf
 50 g möndlur, heilar

Leiðbeiningar

1

Skerið lambakjötið í bita, helst 3-4 sm á kant. Setjið smjör og 1 msk. af olíu í pott og setjið svo kjötið, laukinn og hvítlaukinn út í og kryddið með túrmeriki, engifer, cayenne-pipar, pipar og salti. Hrærið til að dreifa kryddinu jafnt. Hellið tómötunum yfir ásamt vökvanum úr dósinni, bætið vatni í pottinn, hitið að suðu, leggið lok yfir og látið malla við vægan hita í 1 klst. Hrærið öðru hverju og bætið við svolitlu vatni ef uppgufun er mikil. Bætið svo rúsínum og söxuðum kryddjurtum í pottinn og látið malla í um hálftíma í viðbót, eða þar til kjötið er mjög meyrt og sósan orðin þykk. Hitið 2 msk. af olíu á pönnu og steikið möndlurnar þar til þær eru gullinbrúnar á báðum hliðum. Takið þær upp með gataspaða og látið renna af þeim á eldhúspappír. Dreifið þeim yfir kjötið rétt áður en það er borið fram.

Deila uppskrift

Share on facebook
Share on twitter
Share on pinterest

Þessi vefsíða notar vafrakökur til að bæta upplifun þína. Með því að halda áfram samþykkir þú stefnu okkar um vafrakökur.​