Lambasteikur á rösti-kartöflum með rauðlauks- og bláberjasultu

Tilvalið að nota ferskt og nýtt kjöt á haustin ásamt nýtýndum berjum,

table with empty plate, a knife and fork onto a napkin and a small bowl with salt in it

Hráefni

 8 x 100 g steikur úr innlæri eða öðrum lambavöðva
 2 msk. olía
 salt og pipar

Leiðbeiningar

1

Steikið lambasteikur í olíu á meðalheitri pönnu í 1-2 mín. á hvorri hlið. Kryddið með salti og pipar.

2

Rösti-kartöflur

3

500-600 g kartöflur, rifnar með rifjárni
3 hvítlauksgeirar, pressaðir
1-2 msk. rósmarínnálar
salt og nýmalaður pipar
1 dl olía

Kreistið allan safa úr rifnum kartöflum og blandið hvítlauk, rósmaríni, salti og pipar saman við þær.

Hitið ½ dl af olíu á pönnu og steikið kartöflublönduna í 5 mín. við meðalhita eða þar til þær eru orðnar fallega gullinbrúnar.

Snúið þá kartöflunum við og bætið afganginum af olíunni á pönnuna, steikið í 5 mín. til viðbótar.

Færið kartöflukökuna yfir í ofnskúffu og bakið í 180°C heitum ofni í 10 mín.

Skerið kartöflukökuna í sneiðar og berið fram með lambasteikum, rauðlauks- og bláberjasultu og blönduðu grænmeti.

4

Rauðlauks- og bláberjasulta

5

2 rauðlaukar, skornir í báta
2 msk. olía
2-3 msk. sykur
½ tsk. tímían
1 lárviðarlauf
1 dl balsamedik
1 ½ dl bláber
salt og ny´malaður pipar

Steikið lauk í olíu á pönnu í 2 mín. og gætið þess að hann brenni ekki.

Bætið sykri á pönnuna og látið krauma í 2 mín.

Setjið tímían, lárviðarlauf og balsamedik saman við og sjóðið þar til vökvinn fer að þykkna.

Bætið bláberjum á pönnuna og látið krauma í 1 mín.

Smakkið til með salti og pipar.

6
Uppskriftin er úr Gestgjafanum. Umsjón: Úlfar Finnbjörnsson Myndir: Karl Petersson

Deila uppskrift

Share on facebook
Share on twitter
Share on pinterest

Þessi vefsíða notar vafrakökur til að bæta upplifun þína. Með því að halda áfram samþykkir þú stefnu okkar um vafrakökur.​