Lambasteik með íslenskum villisveppum

Lambakjöt er ljúft og á alltaf við og ekki síst núna þegar hitastigið fer lækkandi og fallegu haustlitirnir koma fram til að vitna um dýrðlegt og gjöfult sumarið. Þessi uppskrift er úr haustblaði Gestgjafans 2012 í umsjón Úlfars Friðbjörnssonar matreiðslumeistara.

table with empty plate, a knife and fork onto a napkin and a small bowl with salt in it

Hráefni

 800 g lambainnralæri
 3 msk. olíasalt og nýmalaður pipar
 3 msk. olía
 300 g villisveppir, skornir í báta, t.d. furusveppir, lerkisveppir, kúalubbar eða kóngssveppir
 2-3 hvítlauksgeirar, smátt saxaðir
 1 dl steinselja, smátt söxuð
 2 dl hvítvín
 50 g kalt smjör í teningum

Leiðbeiningar

1

Skerið lambainnralæri í 3 cm þykkar steikur og bankið þær með buffhamri þar til þær eru 2 cm þykkar.

Kryddið steikurnar með salti og pipar og steikið upp úr olíu á vel heitri pönnu í 2 mín. á hvorri hlið. Takið á steikurnar af pönnunni og haldið heitum. bætið 3 msk. af olíu á sömu pönnu og steikið sveppi í 2 mín.

Bætið hvítlauk, steinselju og hvítvíni á pönnuna og sjóðið vínið niður um ¾.

Takið pönnuna af hellunni og bætið smjöri saman við. Hrærið í með sleif þar til smjörið er bráðnað, eftir það má sósan ekki sjóða. berið steikurnar fram með sveppasósunni og t.d. steiktum kartöflum og grænmeti.

2
Uppskriftin er úr Gestgjafanum. Umsjón: Úlfar Finnbjörnsson Myndir: Karl Petersson

Deila uppskrift

Share on facebook
Share on twitter
Share on pinterest

Þessi vefsíða notar vafrakökur til að bæta upplifun þína. Með því að halda áfram samþykkir þú stefnu okkar um vafrakökur.​