Lambaskankar með paprikuhettu

Skemmtileg en svolítið fyrirhafnarsöm aðferð við að elda lambaskanka - þeir eru klæddir í paprikuhatta og síðan vafðir í álpappír áður en þeir eru bakaðir.

table with empty plate, a knife and fork onto a napkin and a small bowl with salt in it

Hráefni

 4 vænir lambaskankar
 4 paprikur, gjarna mismunandi litar
 75 g beikon, skorið í bita
 3 hvítlauksgeirar, saxaðir
 1 msk fersk rósmarínblöð, eða 1 tsk þurrkað rósmarín
 nýmalaður pipar
 salt
 2 msk olía
 125 ml þurrt hvítvín (eða vatn og svolítill sítrónusafi)
 1 laukur, saxaður

Leiðbeiningar

1

Lambaskankarnir e.t.v. fitusnyrtir. Grillið í ofninum hitað og paprikurnar grillaðar þar til þær eru meyrar og hýðið farið að verða svart; snúið öðru hverju á meðan. Þær eru svo teknar út, stilkurinn fjarlægður og sem mest af fræjum með, og svo er botninn skorinn af þeim. Ofninn hitaður í 160 gráður. Á meðan paprikurnar grillast er beikon, hvítlaukur og rósmarín sett í matvinnsluvél eða blandara og saxað í mauk. Beittum hnífsoddi stungið í skankana á nokkrum stöðum og blöndunni núið inn í rifurnar. Kryddað með pipar og salti. Olían hituð á pönnu og skankarnir brúnaðir á öllum hliðum. Teknir af pönnunni en víni eða vatni hellt á hana, látið sjóða ögn niður og pönnubotninn skafinn vel á meðan. Fjórum álpappírsbútum, 25-30 cm á kant, raðað á vinnuborð og lauknum skipt á bútana. Soðinu af pönnunni hellt yfir og síðan er einn skanki settur á hvern bút og leggjarbeinið látið vita upp. Papriku smeygt upp á hvern skanka þannig að beinið standi út um gatið eftir stilkinn og álpappírinn brotinn utan um þannig að beinið eitt standi út úr pappírnum. Bögglarnir settir í eldfast fat og bakaðir í um 2 klst. Borið fram t.d. með kúskús eða soðnum hrísgrjónum.

Deila uppskrift

Share on facebook
Share on twitter
Share on pinterest

Þessi vefsíða notar vafrakökur til að bæta upplifun þína. Með því að halda áfram samþykkir þú stefnu okkar um vafrakökur.​