Lambaskankar í einum dökkum

Matreiðslumeistararnir á Íslenska barnum sendu okkur girnilega uppskrift af lambaskönkum elduðum í dökkum bjór. 

table with empty plate, a knife and fork onto a napkin and a small bowl with salt in it

Hráefni

 Frábær uppskrift frá matreiðslumeisturum Íslenska barsins.
 4 stk. lambaskankar c.a. 300 gramma stykki (með beini)
 0,5 ltr dökkur Kaldi bjór
 

2 msk tómatpúrra

 

2 msk Oscar lambakraftur

 

1 tsk sjávarsalt og svartur pipar

 

6 greinar timían

 
 Sósa
 Soð 0,5 ltr
 Rauðvín 100ml (t.d. Caramella rauðvín)
 Púðursykur 2msk,
 Appelsínubörkur 1 stk. Appelsína
 Hvítlaukur 2 geirar
 Þykkið við hæfi með maizena og bætið salti og pipar út í
 
 Kartöflumús
 1 kg rautt kartöflusmælki
 Skalottlaukur (að vild)
 Hvítlaukur (að vild)
 Graslaukur (að vild)

Leiðbeiningar

1

Lambaskankar

2

Brúnið lambaskanka á góðri pönnu með nóg af smjöri. Setjið í pott (sem þolir að fara inn í ofn) með bjórnum, tómatpúrrunni, lambakraftinum, timían, salti og pipar. Fyllið upp með vatni þannig að vökvinn fljóti yfir skankann. Setjið pottinn í ofn og eldið á 65° í 15 tíma.

3

Sósa

4

Sigtið soðið og setjið í pott ásamt rauðvíninu, púðursykrinum, appelsínuberkinum og saxi af hvítlauk. Hellið svo soðinu út í og sjóðið niður um ¼. Þykkið svo með Maizena og smakkið til með salt og pipar.

5

Kartöflumús

Sjóðið rauða kartöflusmælkið, sigtið og geymið til hliðar. Brúnið svo hvítlauk og skalottlauk í smjöri. Þegar hann er byrjaður að taka lit, hellið þá rjóma út á og náið upp suðu. Látið svo kartöflurnar út í og maukið þær með písk. Gott er að setja klípu af smjöri út í öðru hverju á meðan er verið að merja kartöflurnar. Endið svo á að setja ferskan saxaðan graslauk út í. Smakkið svo til með salt og pipar. Gott er að hafa rabbabarasultuna hennar mömmu og grænar baunir með þessu.

6

Kynnið ykkur Íslenska barinn á www.islenskibarinn.is

Deila uppskrift

Share on facebook
Share on twitter
Share on pinterest

Þessi vefsíða notar vafrakökur til að bæta upplifun þína. Með því að halda áfram samþykkir þú stefnu okkar um vafrakökur.​