Lambapottur með kartöfluþekju

Þessi alþekkti lambapottréttur er ættaður frá Lancashire-héraði á Englandi. Best er að láta hann malla lengi í ofninum en reyndar má einnig elda hann í potti á eldavélinni.

table with empty plate, a knife and fork onto a napkin and a small bowl with salt in it

Hráefni

 1 kg lambaframhryggur í sneiðum
 hveiti
 nýmalaður pipar
 salt
 3 msk. ólífuolía
 3-4 gulrætur, skornar í 1 sm sneiðar
 2-3 laukar, saxaðir
 300 ml sjóðandi vatn
 2 msk. worchestershire-sósa
 250 g sveppir, skornir í þykkar sneiðar
 500 g kartöflur, flysjaðar og skornar í þykkar sneiðar

Leiðbeiningar

1

Hitið ofninn í 200°C. Fituhreinsið kjötið e.t.v. eitthvað. Skerið kjötsneiðarnar í 2-3 hluta hverja. Veltið þeim upp úr hveiti krydduðu með pipar og salti. Hitið 2 msk. af olíunni á þykkbotna pönnu og brúnið kjötið vel á báðum hliðum við góðan hita. Raðið því í eldfast fat. Dreifið gulrótasneiðunum yfir. Setjið laukinn á pönnuna og látið hann krauma við meðalhita þar til hann er meyr. Takið hann þá af pönnunni með gataspaða og dreifið yfir gulræturnar. Bætið 1 msk. af olíu á pönnuna, hrærið 1 msk. af hveiti saman við, hellið vatninu í pottinn smátt og smátt og bakið upp þunna sósu. Hrærið worchestershire-sósu saman við og látið malla í nokkrar mínútur. Raðið sveppunum ofan á gulræturnar og laukinn, hellið sósunni jafnt yfir og raðið að lokum kartöflusneiðum yfir allt saman. Leggið lok eða álpappírsörk yfir fatið og setjið í ofninn í um 1 klst. Takið þá lokið eða álpappírinn af og bakið áfram þar til kartöflusneiðarnar eru gullinbrúnar.

Deila uppskrift

Share on facebook
Share on twitter
Share on pinterest

Þessi vefsíða notar vafrakökur til að bæta upplifun þína. Með því að halda áfram samþykkir þú stefnu okkar um vafrakökur.​