Lambapottur frá Navarra
Navarra er hérað á Norður-Spáni og þar er töluvert borðað af lamba- og kindakjöti. Þessi réttur er nokkuð dæmigerður fyrir matreiðsluna á svæðinu.
- 4
Hráefni
Leiðbeiningar
Kjötið beinhreinsað, skorið í bita og kryddað með pipar og salti. Olían hituð í stórum, þykkbotna potti og kjötið brúnað vel á öllum hliðum. Tekið úr pottinum með gataspaða og fært á disk. Laukurinn steiktur við meðalhita þar til hann er glær og mjúkur. Hvítlauknum bætt út í og steikt í 1 mínútu. Þá er tómötum, paprikum og chilialdini bætt út í og síðan paprikudufti, steinselju og lárviðarlaufi. Látið malla í um 5 mínútur og síðan smakkað til með pipar og salti. Kjötið sett aftur í pottinn, lok látið á hann og kjötið látið malla undir loki við mjög hægan hita í um klukkustund. Hrært af og til, en ekki ætti að þurfa að bæta neinum vökva í pottinn. Þegar kjötið er meyrt er sósan smökkuð til og kjötið borið fram.