Lambapottréttur með fenniku og kjúklingabaunum

Sneiðar af lambaframhrygg eru einkar bragðgott og frekar meyrt kjöt sem hentar vel til steikingar og grillsteikingar en þó ekki síður í súpur og pottrétti, til dæmis þennan spænskættaða pottrétt.

table with empty plate, a knife and fork onto a napkin and a small bowl with salt in it

Hráefni

 1 kg lambakjöt, t.d. framhryggjarsneiðar
 2 msk. olía
 1 laukur, saxaður
 2-3 hvítlauksgeirar, saxaðir smátt
 1 fennika, fremur stór, eða 2 minni
 2 rósmaríngreinar, eða 1 tsk. þurrkað rósmarín
 nýmalaður pipar
 salt
 0.5 l vatn
 16-20 grænar ólífur
 1 dós kjúklingabaunir (eða 250 g soðnar baunir)
 sósujafnari
 sítrónusafi, nýkreistur

Leiðbeiningar

1

Takið kjötið af beinunum (frystið e.t.v. beinin til að nota í soð seinna) og fitusnyrtið það dálítið ef þarf. Hitið olíuna á pönnu eða í víðum potti og látið laukinn og hvítlaukinn krauma í henni í nokkrar mínútur við meðalhita. Takið hann svo upp með gataspaða, hækkið hitann og brúnið kjötið nokkuð vel. Skerið fennikuna í 1 sm þykkar sneiðar (eftir endilöngu þannig að hún hangi saman á rótinni) og setjið hana í pottinn ásamt rósmaríni og lauk. Kryddið með pipar og salti og hellið vatninu yfir. Hitið að suðu, leggið lok yfir og látið malla við hægan hita í um 40 mínútur. Setjið þá ólífurnar út í ásamt kjúklingabaununum og látið malla í 10-15 mínútur í viðbót. Þykkið sósuna með sósujafnara og bragðbætið með svolitlum sítrónusafa, pipar og salti. Berið e.t.v. fram með soðnum kartöflum.

Deila uppskrift

Share on facebook
Share on twitter
Share on pinterest

Þessi vefsíða notar vafrakökur til að bæta upplifun þína. Með því að halda áfram samþykkir þú stefnu okkar um vafrakökur.​