Lambanýru í sinnepssósu
Oft fer vel á því að hafa sterka sósu með innmat eins og t.d. lambanýrum. Einungis þarf að gæta þess að elda nýrun ekki of lengi - þau þurfa stutta eldun.
- 4
Leiðbeiningar
Ofninn hitaður í 170 gráður. Nýrun himnuhreinsuð og skorin í tvennt eftir endilöngu. Helmingurinn af smjörinu bræddur á pönnu og nýrun steikt við fremur vægan hita í 1½-2 mínútur á hvorri hlið en síðan stungið í ofninn í um 5 mínútur. Á meðan er afgangurinn af smjörinu hrærður með sinnepinu og sítrónusafanum. Nýrun tekin af pönnunni með gataspaða, sett á hitað fat og haldið heitum. Pannan sett aftur á helluna og laukurinn látinn krauma í 3-4 mínútur en þá er víninu hellt yfir, hitinn hækkaður og vínið soðið niður um helming. Sinnepssmjörinu hrært saman við í smáklípum. Að lokum er steinseljunni hrært saman við og sósunni hellt yfir nýrun. Borið fram strax.