Lambalundir með polentu og steiktu grænmeti

Steikið lambið á pönnu með hvítlauk. Saltið og piprið. Lokið öllum hliðum lundanna á heitri pönnu. Setjið lambið inn í 200 gráðu heitan ofn í eina mínútu. Leyfið lambinu að hvíla í 10 – 15 mínútur.

Polenta (maískaka)Vatnið soðið og salti bætt í. Maíssterkjan sett útí og hrært í góðar fimmtán mínútur eða þar til blandan er orðin þykk. Smjöri bætt út í og svo parmesan. Þegar osturinn er bráðnaður er blandan sett í eldfast mót. Stingið út það form sem þið viljið hafa á kökunni. Smá parmesan-osti dreift yfir kökuna og hún hituð í ofni.

RauðvínssósaSteikið laukinn á heitri pönnu. Þegar laukurinn er byrjaður að glærast er timjan bætt út í og látið krauma í stutta stund. Rauðvínsediki og rauðvíni bætt út í. Soðið niður um helming. Þá er lambasoði bætt út í. Ef þið eigið ekki lambasoð má nota lambakraft (ein matskeið af krafti á móti 100 ml). Þegar lambasoðið er komið út í er sú blanda líka soðin niður um helming. Potturinn tekin af hellinu. Smjörið skorið niður í litla bita og bætt rólega út í. Þannig þykkir þú sósuna.

Steikt grænmetiSkerið grænmetið smátt og steikið á pönnu. Kryddið með salt og pipar.

Uppskriftin er fengin frá Íslenska barnum.