Lambalundir með kumquat

Grillaðar lambalundir geta verið mjög góður forréttur í grillveislunni og svo má hafa þær á smáréttahlaðborði. Í þessari nýsjálensku uppskrift eru þær þræddar upp á tein ásamt kumquat-ávöxtum en það má líka nota aðra ávexti.

table with empty plate, a knife and fork onto a napkin and a small bowl with salt in it

Hráefni

 350 g lambalundir
 12 kumquat-aldin
 2 msk appelsínumarmelaði
 2 msk sojasósa
 1 tsk rifinn engifer
 nýmalaður pipar

Leiðbeiningar

1

Lambalundirnar skornar í mjóar ræmur eftir endilöngu. Marmelaði, sojasósa, engifer og pipar hrært saman í skál, kjötið sett út í og blandað vel. Látið standa í kæli í nokkrar klukkustundir. Þá er grillið hitað. Lundirnar þræddar upp á teina (annaðhvort látnar hlykkjast eins og S eða rúllað lauslega upp og teininum stungið þvert í gegnum rúlluna) og kumquat-aldin þrædd á milli þeirra. Grillað við háan hita í 4-5 mínútur. Borið fram sem forréttur, e.t.v. ásamt grænu salati.
Í staðinn fyrir kumquat má nota t.d. bita af mangó eða jafnvel ananas.

Deila uppskrift

Share on facebook
Share on twitter
Share on pinterest

Þessi vefsíða notar vafrakökur til að bæta upplifun þína. Með því að halda áfram samþykkir þú stefnu okkar um vafrakökur.​