Lambalæri „garam masala“ með jógúrtsósu
Lambakjöt er hátíðamatur og hægt að bera fram á ýmsa vegu. Uppskrift eftir Úlfar Finnbjörnsson sem birtist í hátíðarblaði Gestgjafans í desember 2007.
- 4
Hráefni
1 lambalæri
4 dl hreint jógúrt
2-3 tsk. garam masala
1 tsk. kummin
1 msk. kóríander, steytt
1 laukur
1 dl möndluspænir
5 cm engiferrót, skræld
5 hvítlauksgeirar
1/2 chili-aldin, fræhreinsað
Leiðbeiningar
1
Skerið alla fitu af lambalæri og setjið það í eldfast mót.
Setjið allt annað hráefni í matvinnsluvél og maukið vel.
Hellið maukinu yfir lambalærið og hyljið vel með plastfilmu.
Geymið í kæli yfir nótt.
Steikið lærið í ofni við 120°C í 2-2 1/2 klst.
Skraut:
4-5 kanilstangir
1 msk. rúsínur
1 msk. möndluspænir
1 tsk. kardimommur
Skreytið lærið með kanil, rúsínum, möndlum og kardimommum og hækkið hitann á ofninum í 190°C í 10 mín.
Berið lærið fram með jógúrtsósunni úr ofnskúffunni, hrísgrjónum og grænmeti.
Ef ykkur þykir sósan of þykk má þynna hana með hreinu jógúrti eða ab-mjólk.
2
Uppskriftin er úr Gestgjafanum. Umsjón: Úlfar Finnbjörnsson Myndir: Karl Petersson