Lambalæri að hætti Andalúsíumanna
Þessi uppskrift er ættuð frá Andalúsíu á Spáni og hér er kjötið fyrst marinerað í sérríi, lauk, hvítlauk og sítrónusafa og síðan gufusteikt í kryddleginum að viðbættum bjór og grænmeti. Nota má léttöl í staðinn fyrir áfengan bjór.
- 4
Hráefni
Leiðbeiningar
Fituhreinsið lærið e.t.v. svolítið. Stingið djúpar raufar í það á nokkrum stöðum með beittum hnífsoddi og stingið hvítlauksflísum í raufarnar. Kryddið það með pipar og svolitlu salti. Flysjið börkinn af sítrónunni og skerið laukinn í þunnar sneiðar. Dreifið lauksneiðunum og sítrónuberki á botninn á steikarfati, leggið lærið þar ofan á, kreistið sítrónusafa yfir, penslið lærið vel með olíunni og hellið að lokum sérríinu yfir. Leggið lok yfir og látið standa í kæli til næsta dags; snúið nokkrum sinnum (einnig mætti setja allt saman í þéttan plastpoka og loka honum vel. Takið kjötið út nokkru fyrir steikingu og hitið ofninn í 175°C. Fræhreinsið paprikurnar og tómatana og skerið í bita. Dreifið grænmetinu í kringum kjötið, hellið bjórnum yfir, lokið og setjið í ofninn í 1 1/2-2 klst. Takið lokið af síðasta hálftímann eða svo. Látið lærið bíða dálitla stund áður en það er skorið og berið það svo fram með grænmetinu og soðinu.