Lambakótilettur með ólífum og pasta
Það er kannski ekki alvanalegt að bera fram pasta með lambakótelettum en í uppskriftinni sem hér kemur á þetta tvennt þó einkar vel saman. Ólífurnar og sítrónusafinn gefa kótilettunum gott bragð.
- 4
Hráefni
Leiðbeiningar
Fitusnyrtið kótiletturnar dálítið, penslið þær með olíu og kryddið þær með timjani, pipar og svolitlu salti (munið að ólífurnar eru saltar). Hitið vatn í stórum potti, saltið og sjóðið pastað samkvæmt leiðbeiningum á umbúðum, eða þar til það er rétt tæplega meyrt. Hitið afganginn af olíunni á pönnu og steikið kótilettur við góðan hita í 3-4 mínútur á hvorri hlið. Setjið ólífurnar á pönnuna um 1 mínútu eftir að búið er að snúa kótilettunum. Hellið pastanu í sigti og látið renna vel af því. Hvolfið því síðan í skál, hellið bráðnu smjöri yfir og blandið steinseljunni vel saman við. Takið pönnuna af hitanum, kreistið sítrónusafa yfir kótiletturnar og berið fram með pastanu.