Lambakoftas á spjóti

með flatbrauði, hummus og rauðkálshrásalati
lambakoftas með flatbrauði og hummus

Hráefni

Lambakoftas
 500 g lambahakk
 1 lítill laukur, saxaður smátt
 2 msk. kóríander, saxað smátt
 2 msk. steinselja, söxuð smátt
 2 tsk. kummin
 1 tsk. paprika
 1 tsk. kanill
 ½ tsk. chili-duft
 ¼ tsk. sjávarsalt
 8 löng grillspjót, lögð í bleyti í 30 mín. ef notuð eru tréspjót
 1 msk. ólífuolía
 flatbrauð eða pítubrauð, til að bera fram með
 hummus, til að bera fram með
 ½ sítróna, skorin í báta
 ¼ hnefafylli myntulauf
 1 uppskrift rauðkálshrásalat
Rauðkálshrásalat
 150 g majónes
 50 g jógúrt
 2 tsk. sítrónusafi
 1 tsk. sítrónubörkur, rifinn fínt
 1 hvítlauksgeiri, saxaður smátt
 200 g rauðkál, kjarnhreinsað og skorið mjög þunnt
 1 gulrót, afhýdd og rifin niður
 1 msk. steinselja

Leiðbeiningar

Lambakoftas
1

Setjið lambahakk í stóra skál ásamt lauk, kóríander, steinselju, kummin, papriku, kanil, chili-dufti og salti.

2

Blandið öllu vel saman, hér er best að nota hendurnar. Skiptið hakkinu yfir í átta jafna hluta, bleytið hendurnar örlítið og mótið kúlur úr hakkinu. Mótið kúlurnar í u.þ.b. 10 cm langar lengjur.

3

Stingið grillspjóti inn í miðjuna á hverri lengju, leggið á bakka og kælið í 1 klst. Hér er einnig hægt að kæla kjötið í allt að einn sólahring áður en það er eldað. Takið kjötið út 30 mín. áður en það er eldað.

4

Hitið grill eða grillpönnu og hafið á háum hita.

5

Penslið ólífuolíu yfir kjötið og eldið í u.þ.b 8 mín. Snúið kjötinu við á 2 mín. fresti

6

Berið fram með flatbrauði eða pítubrauði, hummus, sítrónubátum, myntulaufum og rauðkálshrásalati.

Rauðkálshrásalat
7

Setjið majónes, jógúrt, sítrónusafa, sítrónubörk og hvítlauk í blandara og maukið þar til allt hefur samlagast vel.

8

Setjið rauðkál, gulrót og steinselju í skál og blandið saman.

9

Hrærið sósunni saman við og kælið þar til fyrir notkun.

Deila uppskrift

Share on facebook
Share on twitter
Share on pinterest

Þessi vefsíða notar vafrakökur til að bæta upplifun þína. Með því að halda áfram samþykkir þú stefnu okkar um vafrakökur.​